धनुषा, असोज ४ :
मधेस प्रदेश सभाको बैठक यही असोज ७ गते मङ्गलबार आह्वान गर्ने सर्वदलीय सहमति भएको छ ।
जनकपुर धाममा आज मधेस प्रदेश सचिवालयमा सभामुख रामचन्द्र मण्डलको अध्यक्षतामा बसेको सर्वदलीय बैठकमा सो सहमति भएको प्रदेशसभा सदस्य वीरेन्द्रप्रसाद सिंहले जानकारी दिएका छन् ।
मधेस प्रदेशसभाका सबै राजनीतिक दलले सङ्घीयताको विषयमा एक रहनाका साथै सकारात्मक सन्देश प्रवाह गर्न बैठक आह्वान गर्ने निर्णय भएको सभामुख मण्डलले बताए ।
जेनजी प्रदर्शनका क्रममा मधेस प्रदेश सभामा आगजनी एवं तोडफोड तथा लुटपाट भएका कारण रु ४० करोड बढीको क्षति भएको र क्षतिग्रस्त संरचनाको तत्काल सामान्य मर्मत गरेर प्रदेश सभा बैठक आह्वान गर्ने सहमति भएको सचिवालयले जनाएको छ ।
बैठकमा मधेस प्रदेशका मुख्य मन्त्री सतीश कुमार सिंह लगायत विभिन्न राजनीतिक दलका नेताहरू सहभागी थिए ।
