काठमाडौं, असोज ४ :
सरकारले यात्रुवाहक सवारीका लागि सोमबारबाट रुट परमिट खुला गरेको छ ।
घटस्थापनाको दिन असोज ६ गतेबाट २२ गतेसम्म देशभर रुट परमिट खुला गरेको यातायात व्यवस्था विभागले जनाएको छ ।
बुटवल–नारायणघाट सडक खण्डको दाउन्ने क्षेत्रमा दसैँ अवधिभर ठुला मालवाहक सवारी सञ्चालनमा रोक लगाईएको छ । तर खाद्यान्न लगायतका अत्यावश्यक सामग्री ढुवानी गर्ने सवारीलाई भने सञ्चालन गर्न दिइने विभागले जनाएको छ ।
