डोटीमा बस दुर्घटना हुँदा एक जनाको मृत्यु, २१ जना घाइते, ६ जना बालबालिका

डोटीमा बस दुर्घटना हुँदा एक जनाको मृत्यु भएको छ ।  दुर्घटनामा २१ जना घाइते भएका छन् ।  

मृत्यु हुनेमा अछामको मंगल सेन नगरपालिका घर भएकी २२ वर्षीया हरिया परियार रहेको बताइएको छ । उनको  घटनास्थलमै मृत्यु भएको प्रहरीले जनाएको छ ।  दुर्घटनामा परेर ६ बालबालिका सहित  २१ जना घाइते भएका छन् । घाईते मध्ये एक जनाको अवस्था गम्भीर रहेको बताइएको छ ।

अछामबाट धनगढी आइरहेको बस भीम दत्त राजमार्ग अन्तर्गत जोरायल गाउँ पालिका–२ मा आज बिहान दुर्घटना भएको प्रहरीले जनाएको छ ।

सबैलाई उपचारका लागि धनगढी ल्याइएको छ ।

 गाडी तीव्र गतिमा रहेकाले अनियन्त्रित भई दुर्घटना भएको प्रहरीको प्रारम्भिक अनुसन्धान छ । घटनाबारे थप अनुसन्धान भइरहेको प्रहरीले जनाएको छ ।