काठमाडौं, कात्तिक १८ :
नेकपा माओवादी केन्द्रको महाधिवेशन आयोजक केन्द्रीय समितिको बैठक आज दिउँसो १ बजे बस्दैछ ।
बैठकले नेकपा एकीकृत समाजवादी सहित ९ वटा दल बीच भएको एकता सहमतिलाई अनुमोदन गरिने बताइएको छ ।
समितिको पछिल्लो सचिवालय बैठकले निर्णय गरेका एजेन्डालाई समेत अनुमोदन गरिनेछ । बैठकमा नेताहरू बोल्ने समय छुट्टाइएको छैन ।
पार्टी एकता घोषणाको कार्यक्रम भने कात्तिक १९ गते दिउँसो १ बजे भृकुटी मण्डपमा गर्ने तयारी गरिएको छ । जेनजी आन्दोलनपछि उत्पन्न राजनीतिक परिस्थितिसँगै माओवादी, एकीकृत समाजवादी सहित ९ दल बीच आइतबार एकता सहमति पत्रमा हस्ताक्षर भएको हो ।
तर नेतृत्व हस्तान्तरण र पार्टी पुनर्गठनको माग राखी अन्तरसंघर्ष गरिरहेका माओवादीमा जनार्दन शर्मा र समाजवादीभित्र घनश्याम भुसाल पक्षधर भने अहिले अल्पमतमा रहेका छन्।
