नेपाल विद्युत् प्राधिकरणका निवर्तमान कार्यकारी निर्देशक हितेन्द्रदेव शाक्यको रिटमा पेशी तोकिएको छ ।शाक्यले दिएको रिट न्यायाधीश नृप ध्वज निरौलाको इजलासमा सुनुवाइका लागि पेशी तोकिएको छ ।
शाक्यले आफूलाई कार्यकाल पूरा नगरी हटाउने सरकारको निर्णय विरुद्ध सर्वोच्चमा रिट दिएका थिए ।
शाक्य २०८१ चैत ११ गते ४ वर्षे कार्यकालका लागि कार्यकारी निर्देशक नियुक्त भएका थिए ।
शाक्यलाई सुशीला कार्की नेतृत्वको सरकारले २०८२ असोज ५ गते नै पदबाट हटाई जल तथा ऊर्जा आयोगको सचिवालयमा सरुवा गरेको थियो । सरकारको उक्त निर्णयबाट आफू अन्यायमा परेको भन्दै शाक्यले अदालतमा रिट दायर गरेका थिए ।
यसअघि पनि २०७७ साल माघ २६ गते प्राधिकरणको कार्यकारी निर्देशक नियुक्त भएका शाक्यलाई नेपाली कांग्रेस र नेकपा माओवादीको संयुक्त सरकारले २०७८ साउन २५ गते पदबाट हटाएको थियो ।
त्यस निर्णय विरुद्ध समेत सर्वोच्च अदालतमा रिट दायर गरेका शाक्यको मुद्दामा ३२ पटक पेशी सरेको थियो । सो मुद्धामा अदालतले कुनै फैसला दिएको थिएन ।
