माओवादी केन्द्रका महासचिव जनार्दन शर्मा र एकीकृत समाजवादीका महासचिव घनश्याम भुषाल शुक्रवार बिहानै हरिसिद्दीस्थित विप्लव निवास पुगेर छलफल गरेका छन् ।
वैकल्पिक राजनीतिक शक्ति निर्माण गर्नुपर्छ भनेर अभियानमा लागेका जनार्दन शर्मा र घनश्याम भुसालले आज बिहानै हरिसिद्धीमा नेकपाका महासचिव नेत्र विक्रम चन्द विप्लवलाई भेटेर छलफल गरेका हुन् ।
नेकपाका महासचिव नेत्रविक्रम चन्द विप्लव सहित तीनजना नेताबीच पछिल्लो विकसित परिस्थिति र आगामी सहकार्यलाई कसरी बढाउन सकिन्छ भन्ने बारेमा छलफल भएको बताइएको छ । शर्माले हिजो मात्र वैकल्पिक राजनीतिक शक्ति निर्माणबारे पूर्वप्रधानमन्त्री डा बाबुराम भट्टराई र रास्वपाका नेताहरूसँग छलफल गरेका थिए ।
कम्युनिस्ट आन्दोलन र प्रतिनिधिसभाको आगामी निर्वाचनका बिषयमा समेत गम्भीर र फराकिलो ढंगले छलफल भएको भेटलाई अर्थपूर्ण ढंगले हेरिएको नेताहरूको दाबी छ ।
