काठमाडौं, कात्तिक २५ :
पूर्व मन्त्री तथा पार्टीका पूर्व केन्द्रीय सदस्य मोहम्मद अफताव आलमको निधन भएपछि २ दिन स्थगित भएको नेपाली काँग्रेसको केन्द्रीय कार्यसमिति बैठक आज बस्दैछ ।
आलमको निधन भएपछि आइतबार र सोमबार केन्द्रीय समिति बैठक स्थगित गरिएको थियो । बैठक पुन:आज बिहान साढे ११ बजे पार्टी कार्यालयमा बस्ने केन्द्रीय कार्यालयका मुख्य सचिव कृष्ण प्रसाद पौडेलले जानकारी दिएका छन् ।
गत असोज २८ गतेबाट जारी केन्द्रीय कार्यसमिति बैठकमा पार्टीको १५ औँ महाधिवेशनबारे छलफल भइरहेको छ ।
महाधिवेशन कहिले गर्ने भन्नेबारे बैठकमा नेताहरूका फरक–फरक धारणा राखिरहेका छन् ।निर्वाचन अघि महाधिवेशन गर्ने कि पछि गर्ने भन्ने बिषयमा छलफल जारी छ ।
