काठमाडौं, मंसिर ७ :
पत्रकार दीपेन्द्र खनियाँ मृत फेला परेका छन्। उनी आइतबार बानेश्वरस्थित थापागाउँको घरमा मृत फेलाका हुन् ।
उनी रेडियो अडियोको कार्यालय रहेकै घरमा झुन्डिएको अवस्थामा मृत फेला परेको काठमाडौँ प्रहरी प्रवक्ता एसपी पवनकुमार भट्टराईले जानकारी दिए। खनियाँ रेडियो अडियोका सञ्चालक हुन्। घटनाको बारेमा अनुसन्धान भइरहेको प्रहरीले जनाएको छ । उनका श्रीमती र एक छोरी छन्।
