काठमाडौं, मंसिर २९ :
नेकपा एमालेको ११ औँ महाधिवेशनमा अध्यक्षमा उम्मेदवारी घोषणा गरेका वरिष्ठ उपाध्यक्ष ईश्वर पोखरेलको प्यानलमा महासचिवमा सुरेन्द्र पाण्डेलाई अगाडि बढाइने भएको छ ।
प्यानल नै बनाएर निर्वाचन हुने अवस्था बनेपछि हालका उपाध्यक्ष पाण्डे महासचिवका उम्मेदवार, सचिव द्वय गोकर्ण विष्ट उपाध्यक्ष र योगेश भट्टराई उप महासचिवका उम्मेदवार हुने तय भएको बताईएको छ ।
निर्वाचन कार्यतालिका अनुसार अहिले बिहान १०:३० बजेबाट सुरु भएको छ ।
यस्तै अरु पदाधिकारीबारे पनि छलफल चलिरहेको नेता गोकर्ण विष्टले जनाएका छन् ।
सचिवमा गोकुल बास्कोटा, विनोद ढकाल, कर्ण थापा, रचना खड्का, ठाकुर गैरेलाई उम्मेदवार बनाउने छलफल भएको छ ।
