काठमाडौं, पुस ४ :
नेकपा एमालेको नवनिर्वाचित केन्द्रीय कमिटीको पहिलो बैठक आज दिउँसो १ बजे बस्दैछ । बैठक कार्की ब्यांक्वेट बबरमहलमा बस्दैछ ।
आजको बैठकमा महाधिवेशनको समग्र समीक्षा,पार्टीको समसामयिक राजनीतिक कार्यदिशा,केन्द्रीय कमिटीका जिम्मेवारी बाँडफाँट तथा आगामी कार्य योजनाबारे छलफल हुने बताइएको छ ।
साथै पार्टीको केन्द्रीय सचिवालय र स्थायी कमिटी गठनसम्बन्धी विषय पनि बैठकको एजेन्डामा पर्न सक्ने नेताहरूले बताएका छन्।
अध्यक्ष केपी शर्मा ओलीसहित सिङ्गो पदाधिकारी र केन्द्रीय सदस्यहरूको शपथ हिजो नै भइसकेको छ।
