काठमाडाैं, माघ १४ :
नेपाली कांग्रेसले फागुन २१ गतेको निर्वाचनलाई व्यवस्थित बनाउन कम्तीमा १२ समिति बनाउन मातहतका निकायलाई निर्देशन दिएको छ ।
निर्वाचन परिचालन समितिका संयोजक तथा कांग्रेस उपसभापति विश्वप्रकाश शर्माले बुधवार परिपत्र जारी गर्दै प्रदेश कार्यसमिति, जिल्ला कार्यसमिति र प्रतिनिधिसभा क्षेत्र कार्यसमितिका सभापतिहरुलाई यस्तो निर्देशन दिएका हुन् ।
शर्माले विजय अभियान व्यवस्थित बनाउन समिति र संरचना सबै तहमा अविलम्ब गठन गराउन जारी गरेका परिपत्रमा आमनिर्वाचनमा पार्टी पंक्तिलाई व्यवस्थित रूपले परिचालित गर्न समिति गठनको निर्देशन दिएका हुन् ।
‘समिति कैयन ठाउँमा गठन भइसकेका छन् जहाँ गठन भएको छैन त्यहाँ निम्नानुसारका समिति अविलम्ब गठन गर्न गराउन आग्रह सहित यो परिपत्र पठाइएको छ,’ शर्माले उल्लेख छन् ।
