काठमाडौं, माघ २२ :
पूर्वप्रधानमन्त्री डा बाबुराम भट्टराईलाई पितृशोक परेको छ । उनका पिता भोजप्रसाद भट्टराईको आज बिहान ९७ वर्षको उमेरमा काठमाडौँस्थित न्यूरो अस्पताल बाँसबारीमा निधन भएको भट्टराईकी छोरी मानुषी यमी भट्टराईले जानकारी दिइन् ।
उनले भनिन्, ‘हजुरबुवा ९६ वर्ष पूरा भई ९७ वर्षमा प्रवेश गर्नुभएको थियो । उहाँको आज बिहान स्वर्गारोहण भएको छ ।’ भट्टराईको शव विद्युतीय शव गृहमा लगेर अन्त्येष्टि गरिएको छ । स्वर्गीय भट्टराईका दुई छोरा र दुई छोरी छन् ।
