नेकपा एमालेको संसदीय दलको नेतामा रामबहादुर थापा ‘बादल’चयन भएका छन् । बुधबार भएको संसदीय दलको नेता चयनका क्रममा थापाको मात्रै उम्मेदवारी परेकाले निर्विरोध निर्वाचित भएका हुन् ।
निर्विरोध निर्वाचित भएका बादललाई सुहाङ नेम्वाङले खादा ओढाएर बधाई दिएका छन् । नेतामा दाबी गरेको सांसद नेम्वाङले भने मनोनयन दर्ता गर्ने बेलामा समर्थक र प्रस्तावक नै भेटाएनन् ।
अन्तिममा सुहाङले उम्मेदवारी नदिएर उनी नै बादलको प्रस्ताव बनेका थिए। एउटा मात्रै उम्मेदवारी परेपछि बादल निविरोध निर्वाचित भएको घोषणा गरिएको हो। प्रतिनिधि सभामा एमालेका २५ सांसद छन्।
