ललितपुर महानगरपालिकाका मेयर चिरिबाबु महर्जनले आफ्नो महानगर क्षेत्रमा सुकुम्बासी समस्या नरहेको दाबी गरेका छन्।
शुक्रबार २५७०औँ बुद्ध जयन्तीको अवसरमा संयुक्त राष्ट्र सङ्घीय कार्यालयको परिसरमा आयोजित कार्यक्रमलाई सम्बोधन गर्दै आफू नेतृत्वमा आएपछि सार्वजनिक जग्गाको अतिक्रमण सहज रुपमा समाधान गरेको भन्दै नदी किनारका क्षेत्रमा पार्कहरू निर्माण गरिसकिएको बताए ।
सार्वजनिक जग्गालाई अतिक्रमणबाट जोगाउन नदी किनारमा ‘बुद्ध पार्क’ बनाउन उनले छिमेकी काठमाडौं महानगरलाई सुझाए।
नदी किनारका सार्वजनिक जग्गालाई अतिक्रमणबाट जोगाउन नदी किनारका खाली क्षेत्रमा बुद्धका मूर्तिसहितका आकर्षक पार्क निर्माण गर्नसके त्यसको उचित व्यवस्थापन हुने र भविष्यमा पुनः हुन सक्ने अतिक्रमणलाई रोक्न सकिने बताए।
उनले आफ्नो कार्यकालमा सम्पदा संरक्षणलाई उच्च प्राथमिकतामा राखेको स्पष्ट पारे। मेयर पदमा दुई कार्यकाल मात्र बस्न पाउने प्रावधान रहेकाले उनको यो अन्तिम कार्यकाल हो ।
