इरान र अमेरिकाबीच तनाव फेरि चर्कियो, अमेरिकी सैन्य अड्डाहरुमा इरानको आक्रमण

इरानले अमेरिकी आक्रमणको पछिल्लो चरणको प्रतिशोधस्वरूप खाडी क्षेत्रमा रहेका अमेरिकी सैन्य अड्डाहरूमा आक्रमण गरेको जनाएको छ।

यो घटनाक्रम त्यसपछि भएको हो जब अमेरिकी राष्ट्रपति डोनाल्ड ट्रम्पले इरानलाई कडा प्रहार गर्ने चेतावनी दिएका थिए।

अमेरिकी केन्द्रीय कमाण्डले बुधबार सुरु गरिएको आत्मरक्षात्मक आक्रमणको दोस्रो दिन पूरा गरेको जनाएको छ। ट्रम्पले तेहरानले युद्ध अन्त्य गर्न सम्झौता गर्न धेरै ढिलाइ गरेको बताएका थिए।

यसको जवाफमा, इरानले बहराइन र कुवेतस्थित अमेरिकी सैन्य अड्डाहरूमा आक्रमण गरेको दाबी गरेको छ। इरानका अनुसार ती अड्डाहरूलाई मंगलबारको अमेरिकी आक्रमणपछि पनि निशाना बनाइएको थियो।

हालका दिनहरूमा भएको यी प्रतिआक्रमणहरूले अप्रिलमा भएको नाजुक युद्धविरामलाई गम्भीर चुनौती दिएको छ।

अमेरिकाको पछिल्लो आक्रमणपछि, इरानको दक्षिणी भागका शहरहरूमा विस्फोटका आवाज सुनिएको बताइएको छ। यी क्षेत्रहरू स्ट्रेट अफ हर्मुज नजिक पर्छन्, जहाँ अमेरिकी सेनाले मंगलबार हवाई प्रतिरक्षा प्रणाली, राडार तथा अन्य सैन्य स्थलहरूमा आक्रमण गरेको थियो।

बुधबारको तनावपूर्ण अवस्थाका क्रममा, इरानको इस्लामिक रिभोल्युस्नरी गार्ड क्रप्सले पनि होर्मुज जलमार्गमध्यमा रहेका जहाजहरूलाई निशाना बनाएको जनाएको छ।

यो घटनापछि इरानी सरकारी सञ्चारमाध्यमहरूले होर्मुज जलमार्ग सबै प्रकारका जहाजका लागि पूर्ण रूपमा बन्द गरिएको"दाबी गरेका थिए। तर अमेरिकी केन्द्रीय कमाण्डले  भने व्यावसायिक जहाजहरू अझै पनि जलमार्ग हुँदै आवतजावत गरिरहेका छन्" भनेर जनाएको छ।

इरानी सरकारी सञ्चारमाध्यमका अनुसार, होर्मुज जलडमरूमध्यबाट गुज्रिरहेका दुईवटा तेल ट्यांकरहरूलाई इरानी नौसेनाले आक्रमण गरेको छ। यद्यपि यस दाबीको स्वतन्त्र पुष्टि तत्काल हुन सकेको छैन।