बुडिमिरको गोलमा क्रोएसियाको जित, पानामा विश्वकपबाट बाहिरियो

हाफटाइमपछि मैदानमा आएका विकल्प खेलाडी एन्टी बुडिमिरले  ५४औँ मिनेटमा गोल गर्दै क्रोएसियालाई टोरन्टो स्टेडियममा पानामाविरुद्ध १–० को कठिन जित दिलाए।

यससँगै क्रोएसियाले पानामाको विश्वकप यात्रालाई अन्त्य गरिदियो।

समूह एल अन्तर्गत मंगलबार भएको खेलमा ३४ वर्षीय बुडिमिरले विश्वकपमा आफ्नो पहिलो गोल तथा देशका लागि प्रतिस्पर्धात्मक खेलमा पाँचौँ गोल गरे।

क्रोएसिया अहिले समूहमा ३ अंकसहित तेस्रो स्थानमा छ। तर शनिबार फिलाडेल्फियामा हुने अन्तिम खेलमा घानालाई पराजित गर्न सकेमा टोलीले शीर्ष दुई स्थानमध्ये एक सुनिश्चित गर्दै अर्को चरणमा स्थान बनाउनेछ।

पानामा भने अझै आफ्नो पहिलो विश्वकप अंकको खोजीमा छ। टोलीले आफ्नो विश्वकप इतिहासका पाँचै खेलमा हार बेहोरेको छ। यसअघि २०२६ विश्वकपको पहिलो खेलमा पनि टोरन्टोमा घानासँग १–० ले पराजित भएको थियो।

मंगलबारको खेलमा बुडिमिरले क्रोएसियाका लागि अग्रता दिलाउने गोल गरे, जुन त्यस समयसम्म टोलीले सिर्जना गरेको सबैभन्दा उत्कृष्ट आक्रमण थियो।

अन्तिम चरणका खेलहरूअघि समूह एलमा क्रोएसिया तेस्रो स्थानमा रहेको छ। ईंल्याण्ड र घाना दुवैको समान ४–४ अंक रहेको छ भने क्रोएसियाको ३ अंक छ। 

त्यसैले अन्तिम खेलमा नतिजा आफ्नो पक्षमा पार्न सके क्रोएसियाले नकआउट चरणमा स्थान बनाउन सक्ने सम्भावना कायम राखेको छ।