नेकपा संसदीय दलका नेता मंगलबहादुर शाही कर्णाली प्रदेशको मुख्यमन्त्रीमा नियुक्त भएका छन्। प्रदेश प्रमुख यज्ञराज जोशीले मंगलबार शाहीलाई कर्णाली प्रदेशको पाँचौं मुख्यमन्त्रीका रूपमा नियुक्त गरेका हुन्।
शाहीले नेकपाका १४ र नेकपा (एमाले)का १० प्रदेशसभा सदस्यको समर्थनसहित मंगलबार साँझ प्रदेश प्रमुखको कार्यालयमा मुख्यमन्त्रीमा नियुक्तिका लागि दाबी पेस गरेका थिए। बहुमतको समर्थन प्राप्त भएपछि प्रदेश प्रमुख जोशीले संविधानको धारा १६८ (२) बमोजिम उनलाई मुख्यमन्त्रीमा नियुक्त गरेका हुन्।
यसअघि प्रदेश प्रमुखले नयाँ सरकार गठनका लागि मंगलबार साँझ ५ बजेसम्म बहुमत जुटाउन सक्ने प्रदेशसभा सदस्यलाई दाबी पेस गर्न आह्वान गरेका थिए।
मुगु प्रदेशसभा निर्वाचन क्षेत्र नं. २ बाट निर्वाचित शाही तत्कालीन माओवादी केन्द्र र नेपाली कांग्रेसबीचको लोकतान्त्रिक वाम गठबन्धनका साझा उम्मेदवार थिए। उनी यसअघि कर्णाली प्रदेश सरकारमा भौतिक पूर्वाधार तथा सहकारी विकासमन्त्रीको जिम्मेवारीसमेत सम्हालिसकेका छन्।
मुख्यमन्त्रीमा नियुक्त भएसँगै शाहीले अब संविधानअनुसार निर्धारित समयभित्र मन्त्रिपरिषद् गठन गरी प्रदेशसभाबाट विश्वासको मत लिनुपर्नेछ।
सम्बन्धित समाचार :
