विमलेन्द्र निधिको आरोप : गगन थापाले पार्टी फुटाए

नेपाली कांग्रेसका इतर पक्षका नेता विमलेन्द्र निधिले सभापति गगन थापाले पार्टी फुटाएको आरोप लगाएका छन् । जनकपुरमा बोल्दै  नेता निधिले विशेष महाधिवेशन गर्नेले नै कांग्रेस फुटाएको दाबी गरेका हुन् ।

जसले विशेष महाधिवेशन गर्‍यो,उसैले पार्टी फुटायो अब कानुनी रूपमा बाँकी छ भन्दै   यसमा आफूहरुलाई कुनै भ्रम नभएको बताएका छन् ।

उनले विशेष महाधिवेशनमा ६० प्रतिशत महाधिवेशन प्रतिनिधिले भाग नलिएको पनि दाबी गरे । सर्वोच्चमा शेरबहादुर देउवाले पुनरवलोकनका लागि निवेदन दिएर निस्सा पाएपछि अन्तिम फैसला आउन समय लाग्नसक्ने बताए। उनले मंसिर २१ देखि हुने महाधिवेशन अवैध नभएको पनि जिकिर गरे ।