काठमाडौं, असोज २२ :
काठमाडौंको बुढानीलकण्ठबाट प्रहरीले २१ किलो सुन बरामद गरेको छ। काठमाडौं उपत्यका अपराध अनुसन्धान कार्यालयको टोलीले बिहीबार साँझ बुढानीलकण्ठबाट उक्त परिमाणको सुन बरामद गरेको हो। सुनसहित केही व्यक्तिलाई समेत पक्राउ गरिएको प्रहरीले जनाएको छ।
पक्राउ परेका व्यक्तिहरूको परिचय भने प्रहरीले सार्वजनिक गरेको छैन। उनीहरूका सम्बन्धमा शुक्रबार पत्रकार सम्मेलनमार्फत जानकारी दिने प्रहरीको तयारी छ।
प्रहरी स्रोतका अनुसार बरामद सुनमध्ये केही गहनाका रूपमा रहेको छ भने केही प्रशोधन गर्न बाँकी अवस्थामा छ। घटनाबारे थप जानकारी दिन काठमाडौं उपत्यका अपराध अनुसन्धान कार्यालयले शुक्रबार दिउँसो १ बजे पत्रकार सम्मेलन गर्ने जनाएको छ।
