इन्धनको मूल्यवृद्धि र बढ्दो जीवनयापन खर्चको विरोधमा आज फ्रान्सभरि प्रदर्शन भएको छ ।
राजधानी पेरिसमा अहिलेसम्म दर्जनौँ प्रदर्शनकारी पक्राउ परिसकेका छन् भने विभिन्न सहरमा अश्रुग्यास प्रहार गरिएको खबर आएको छ।
प्रदर्शनकारीहरू निकै आक्रोशित देखिएका छन्। राष्ट्रपति इमानुएल म्याक्रोनको राजीनामा माग गर्दै निरन्तर नाराबाजी भइरहेको छ।
आजको प्रदर्शन देशभर तीन सातादेखि जारी विद्यार्थी आन्दोलनपछि हुन लागेको हो। विद्यार्थी आन्दोलनमा श्रमिक सङ्घहरू र तथाकथित ‘येलो भेस्ट’ आन्दोलनका प्रमुख व्यक्तिहरूलाई पनि सहभागी हुन आह्वान गरिएको छ।
फ्रान्सका राष्ट्रपति इमानुएल म्याक्रोनले प्रदर्शनकारीहरूलाई शान्त रहन अपिल गरेका छन्। उनले मानिसहरू र सार्वजनिक तथा निजी सम्पत्तिप्रति सम्मान देखाउन आग्रह गरेका छन्।
सन् २०१८ देखि ‘गिले जोन’ अर्थात् ‘येलो भेस्ट’ (पहेंलो ज्याकेट) आन्दोलनकारीहरूले एक वर्षभन्दा लामो समयसम्म बढ्दो जीवनयापन खर्च विरुद्ध प्रदर्शन गरेका थिए। उक्त आन्दोलन फ्रान्सको इतिहासमा सबैभन्दा लामो समयसम्म चलेका आन्दोलनमध्ये एक बनेको थियो।
