बिहान धेरै स्थानहरूमा हुस्सु, काठमाण्डौँ उपत्यकामा चिसो बढ्यो

देशमा पश्चिमी वायुको आंशिक प्रभाव रहेको छ ।

हाल गण्डकी र कर्णाली प्रदेशका पहाडी भू- भागमा आंशिक बदली रही बाँकी भू- भागमा मौसम मुख्यतया सफा रहेको छ ।

अहिले तराई तथा उपत्यकाका धेरै स्थानहरूमा हुस्सु साथै केही स्थानहरूमा कुहिरो लागेको मौसम पूर्वानुमान महाशाखाले जनाएको छ  । 

आज दिउँसो देशभर आंशिक बदली देखि मौसम मुख्यतया सफा रहने छ । 

राती पनि देशभर आंशिक बदली देखि मौसम मुख्यतया सफा रहने महाशाखाको जारी बुलेटिनमा उल्लेख छ । 

त्यस्तै, काठमाण्डौँ उपत्यकामा निरन्तर तापक्रम घटिरहेको छ । यो क्रम जारी रहने मौसमविद्हरूले बताएका छन् । यद्यपि मौसम भने सफा रहने छ । 

आज बिहान यहाँको न्यूनतम तापक्रम ३.९ डिग्री सेल्सियस रेकर्ड गरिएको तथा अहिले त्यो चार डिग्री सेल्सियस रहेको मौसमविद् सरोज पुडासैनीले बताउनुभयो । 

आज यहाँको अधिकतम तापक्रम १७ देखि १९ डिग्री सेल्सियसका बीच रहने छ ।