तनहुँ, पुस १३ :
राष्ट्रिय एकता दिवसका अवसरमा ऋषिङ गाउँपालिकाको आयोजनामा ‘चौथो ऋषिङ अल्ट्रा म्याराथन’ हुने भएको छ ।
खेलकुदको माध्यमबाट पर्यटन प्रवर्द्धन गर्ने उद्देश्यले गाउँपालिकाले म्याराथन आयोजना गर्न लागेको हो ।
पुस २७ गते ४३ किलोमिटर म्याराथन हुने गाउँपालिकाका प्रवक्ता विजय दरैले जानकारी दिनुभयो । म्याराथनको तयारी थालिएको उहाँले बताउनुभयो ।
धारुङ भञ्ज्याङबाट सुरु हुने दौड रानीपोखरी- गाउँपालिकाको कार्यालय- अर्खलाछाप- काफलडाँडा- पुरानो ऋषिङ- पोखरीभञ्ज्याङ- गोठादी- ढुङ्गाडे-चालिसे- भिरकोट- अर्चल्दी- मौरीबास- दाङसिरी- दुवुङकोटमा टुङ्गिनेछ ।
प्रतियोगितामा प्रथम हुनेलाई ६५ हजार, द्वितीय हुनेलाई रु ४० हजार तृतीय हुनेलाई रु २५ हजार र एक जनालाई सान्त्वना पुरस्कार रु दश हजार प्रदान गरिनेछ ।
