काठमाडौँ, पुस २४ :
नेपालमा थप ५७ वटा हिमालको आरोहण खुला भएको छ ।
संस्कृति पर्यटन तथा नागरिक उड्डयन मन्त्रालयले सोमबार नेपाल राजपत्रमा सूचना जारी गर्दै आरोहण खुला गरेको जनाएको हो ।
मन्त्रालयका सचिव कृष्णहरि पुष्करले जारी गरेको सूचनामा पर्वतारोहणसम्बन्धी नियमावली २०५९ को नियम २ को उपनियम १ बमोजिम हिमालको आरोहण खुला गरिएको उल्लेख गरिएको छ ।
योसँगै नेपालमा अनुमति प्राप्त हिमाल आरोहणको सङ्ख्या ४७६ पुगेको छ ।
