राष्ट्रपति रामचन्द्र पौडेलले निर्माणाधीन संघीय संसद् भवनको अवलोकन गरेका छन् ।
सिंहदरबार परिसरभित्र निर्माणाधीन भवनको सोमबार दिउँसो राष्ट्रपति पौडेलले अवलोकन गरेका हुन्। राष्ट्रपतिसँगै सभामुख देवराज घिमिरे, राष्ट्रिय सभाका अध्यक्ष नरायण दाहाल लगायत पनि निर्माणाधीन संसद् भवन अवलोकन गर्न पुगेका थिए ।
अवलोकनका क्रममा राष्ट्रपति पौडेललाई सहरी विकास मन्त्रालयका सचिव गोपाल सिग्देलले भवन निर्माणमा भईरहेको प्रगतिबारे जानकारी गराएका थिए । त्यस क्रममा पौडेलले भवन सम्बन्धी विभिन्न जिज्ञासा राख्दै सम्बद्ध पक्षलाई यथाशक्य चाँडो सक्न निर्देशन पनि दिए ।
संघीय संसदका दुवै सदन प्रतिनिधिसभा र राष्ट्रिय सभा, संसदीय समितिहरू, संसदीय दलका कार्यालयसमेत रहने गरी १२ वटा ब्लक सहितको भव्य संरचना निर्माण गरिएको छ ।१ सय ७३ रोपनी क्षेत्रमा फैलिएको परिसरको ४५ प्रतिशत भूभागमा प्रतिनिधिसभा र राष्ट्रियसभा रहनेछ ।
प्रधानमन्त्री केपी शर्मा ओलीले २०७६ साल असोज १ गते सिंहदरबार परिसरभित्र शिलान्यास गरेका नयाँ संसद् भवन अझै तयार भई सकेको छैन । तीन वर्षमा भवनको निर्माण सम्पन्न गर्ने भनिएको थियो।
पटकपटक सरकारका मन्त्रीहरुले निरीक्षण गर्दै ठेकेदार कम्पनीलाई छिटो सक्न निर्देशन दिए पनि काममा अझै पनि सन्तोषजनक प्रगति भएको छैन ।सम्झौताअनुसार १५ असोज २०७९ मा संसद भवन तयार भइसक्नुपर्ने थियो ।संघीय संसद भवन नहुँदा २०६४ पछि सरकारले नयाँ बानेश्वरको अन्तर्राष्ट्रिय सम्मेलन केन्द्रलाई भाडामा लिएर संसद भवनको रूपमा प्रयोग गर्दै आएको छ ।
शेयर:
यो समाचार पढेर तपाईंलाई कस्तो लाग्यो ?
सम्बन्धित समाचार
कारागारमा हुँदाको भाकल पूरा गर्न रवि पत्नीसहित नैनीतालस्थित कैचीँधाम पुगे
साउदी अरबमा नेपालीको मृत्यु भएको घटनाप्रति कांग्रेसद्वारा दुःख व्यक्त
बाढी प्रभावितको राहत, पुनःस्थापना तथा पुनर्निर्माणका लागि हानिनोक्सानी कोषबाट नेपाललाई तीन अर्ब अनुदान
