अमेरिकी राष्ट्रपति डोनाल्ड ट्रम्पको प्रशासनले आठ महिनाको रोजगारी छोड्ने सङ्घीय कर्मचारीलाई बहिर्गमन प्याकेजको व्यवस्था गर्ने अवसर दिएको छ ।
कर्मचारीलाई पठाएको इमेलमा उक्त प्याकेजको घोषणा गरिएको हो ।
अमेरिकी सञ्चारमाध्यमका अनुसार ट्रम्पका सल्लाहकार एलन मस्कले एक्समा ऐतिहासिक ‘विकल्प’ को रूपमा प्रशंसा गरेको यो प्रस्ताव सबै २० लाख सङ्घीय कर्मचारीलाई पठाइएको बुझिएको छ ।
जनवरी २० मा ट्रम्पले पदभार ग्रहण गरेयता सङ्घीय खर्चकाे यो अहिलेसम्मकै सबैभन्दा ठूलो कदम हो ।
प्रशासनका एक वरिष्ठ अधिकारीले एनबीसी न्यूजलाई बताएअनुसार यो प्याकेजबाट पाँचदेखि १० प्रतिशत संघीय कर्मचारीले राजीनामा दिने बताइएको छ।
यसबाट करिब एक खर्ब अमेरिकी डलर बचत हुने अधिकारीहरूको विश्वास छ ।
इमेलमा कर्मचारीलाई राजीनामा मङ्गलबारदेखि सुरु भएर फेब्रुअरी ६ सम्म लागु हुने एएफपीले जनाएको छ ।
ट्रम्पले कोभिड- १९ महामारीपछि धेरै वर्षसम्म घरबाट काम गर्ने सुविधा पछि सबै सङ्घीय कामदारहरू पूर्णकालिक रूपमा कार्यालय फर्कन आदेश दिएसँगै यो कदम चालिएको हो ।
यो इमेल सन् २०२२ को अन्त्यमा मस्कले ट्वीटर (हाल एक्स) को पूर्ण स्वामित्व आफ्नो नियन्त्रणमा लिएपछि कर्मचारीलाई पठाइएको यस्तै सन्देशसँग मिल्दोजुल्दो रहेको छ । राजीनामा दिन चाहने कर्मचारीसँग इमेल मार्फत् प्रतिक्रिया मागिएको छ ।
सम्झौता गर्न चाहने सङ्घीय कर्मचारीहरूलाई इमेलमा बाहिर नै देखिने गरी ‘राजीनामा’ शब्द लेखिएको जवाफ दिन भनिएको छ ।
ट्रम्प र अन्य रिपब्लिकनलाई चुनाव जिताउन २७ करोड अमेरिकी डलरभन्दा बढी खर्च गरेका मस्कलाई सरकारी कार्यदक्षता विभाग (डिपार्टमेन्ट अफ गभर्नमेन्ट एफिसियन्सी) को नेतृत्व गर्ने जिम्मेवारीमा नियुक्त गरिएको छ ।
इमेलमा भनिएको छ,“सङ्घीय श्रमशक्तिमा अमेरिकाको सबैभन्दा राम्रो जनशक्ति हुनुपर्छ । हामी हरेक तहमा उत्कृष्टताका लागि जोड दिनेछौ।
-एएफपी
.jpg)
