क्रिकेट प्रशिक्षक मोन्टीको सम्झौता सकियो, क्यानले गरेन नवीकरण

नेपाल क्रिकेट संघ (क्यान) ले राष्ट्रिय क्रिकेट टिमका मुख्य प्रशिक्षक मोन्टी देशाईलाई बिदाइ गरेको छ । देशाईको सम्झौता थप नगरेर क्यानले बिदाइ गरेको हो ।

उनको २ वर्षे सम्झौता यही फेब्रुअरीबाट सकिएको क्यानले जनाएको छ ।  

मोन्टीको कार्यकालमा नै नेपाली क्रिकेट टोलीले थुप्रै सफलता हात पारेको थियो । नेपालले ओडिआई मान्यता जोगाउनुका साथै ओडिआई विश्व कपको छनोट समेत खेलेको थियो भने उनकै कार्यकालमा नेपालले पहिलोपटक एसिया कपसमेत खेलेको थियो ।

क्यानले उनलाई आगामी यात्राको लागि सफलताको शुभकामना पनि दिएको छ ।