प्रतीकात्मक तस्बिर ।
धनुषा, माघ २१ :
प्रहरीले धनुषाको मिथिला नगरपालिका ८, बडहरी पुलबाट करिब २५ किलो गाँजा बरामद गरेको छ ।
इलाका प्रहरी कार्यालय ढल्केबर र अस्थायी प्रहरी पोस्ट बडहरीबाट खटिएको प्रहरीले बागमती प्र.०२-०२९ प ३७३६ नम्बरको मोटरसाइकललाई जाँच गर्न खोज्दा दुईजना मोटरसाइकल र झोला छाडेर भागेका थिए ।
सोही मोटरसाइकलमा रहेको झोलाबाट प्रहरीले आइतबार २५ किलो गाँजा बरामद गरेको हो ।
प्रहरीका अनुसार अहिले गाँजा तस्करमा संलग्न फरार दुवैजनाको खोजी भइरहेको छ ।
