काठमाडौँ, भदौ १ :
राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन अष्ट्रेलियाको मेलवर्न प्रस्थान गर्नुभएको छ ।
भगिनी संस्था प्रवासी नेपाली सङ्गठनको निमन्त्रणामा अध्यक्ष लिङ्देन गए राति त्यसतर्फ प्रस्थान गर्नुभएको हो ।
अध्यक्ष लिङ्देनका साथ पार्टीको प्रवास विभाग प्रमुख आनन्द अधिकारी र केन्द्रीय सदस्य हिक्मतजङ्ग कार्की समेत हुनुहुन्छ । उहाँ भदौ १० गते स्वदेश फर्कने कार्यक्रम रहेको छ ।
उहाँहरुले मेलवर्नलगायत अष्ट्रेलियाका विभिन्न नगरमा हुने सङ्गठनका कार्यक्रममा सहभागीता जनाउने कार्यक्रम रहेको छ ।
