काठमाडौं, फागुन ६ :
नेपाल इन्भेस्टमेन्ट मेगा बैंक लिमिटेडले आफ्नो संस्थागत सामाजिक उत्तरदायित्वअन्तर्गत कैलालीको गेटा आँखा अस्पताललाई १५ सेट तीन-सिटर क्षमताको स्टिल कुर्सी प्रदान गरेको छ ।
यस सहयोगले बिरामी र उनीहरुको परिवारहरुका लागि थप आराम सुनिश्चित गर्दै अस्पतालको सिट सुविधा बढाउने लक्ष्य राखेको छ । गेटा आँखा अस्पताल सुदूरपश्चिम प्रदेशकै एक प्रमुख स्वास्थ्य सेवा प्रदायक हो । यसको प्रधान कार्यालय कैलाली जिल्लामा रहेको छ भने सुदूरपश्चिम प्रदेशका ९ जिल्लामा रहेका शाखा कार्यालयबाट वार्षिक हजारौं बिरामीलाई आवश्यक आँखा उपचार सेवाहरू प्रदान गर्दै आइरहेको छ ।
राम्रो पूर्वाधारको आवश्यकतालाई स्वीकार गर्दै, बैंकले सामुदायिक कल्याणका लागि आफ्नो प्रतिबद्धतालाई सुदृढ गर्दै अस्पताललाई सहयोग गरेको हो ।
