प्रकृति लम्साल मृत्यु प्रकरणमा एक युवक पक्राउ

उडिसास्थित कालिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) को होस्टेलमा नेपाली विद्यार्थी प्रकृति लम्साल मृत अवस्थामा भेटिएको घटनामा स्थानीय प्रहरीले त्यहाँका एक पुरुष विद्यार्थीलाई पक्राउ गरेको छ ।

भारतीय पत्रिका दैनिक भास्करको रिपोर्टअनुसार ती व्यक्ति विरुद्ध आत्महत्या दुरुत्साहन मुद्दा दर्ता गराएको छ।प्रकृतिका काका सिद्धान्त सिग्देलले दिएको जाहेरीका आधारमा प्रहरीले आरोपितविरुद्ध मुद्दा दर्ता गरेको हो।

प्रकृति र पक्राउ परेका ती युवकबीच भएको भनिएको कुराकानीको अडिओ सामाजिक सञ्जालमा भाइरल भएको छ । सोही अडियोलाई आधार मान्दै प्रहरीले आरोपितलाई पक्राउ गरी कारबाही प्रक्रिया अघि बढाएको छ।

 प्रहरीले मृतक प्रकृतिका मोबाइल फोन, ल्यापटप र अन्य ग्याजेट नियन्त्रणमा लिएको छ। यस विषयमा अनुसन्धान भइरहेको जनाइएको छ।