युक्रेनमा जारी युद्ध अन्त्य गर्न अमेरिका र रुसबीच शान्ति वार्ता भएपछि अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोडिमिर जेलेन्स्कीबीचको विवाद बढ्दै गएको छ।
अमेरिकी राष्ट्रपति डोनाल्ड ट्रम्पले सामाजिक सञ्जाल प्लेटफर्म ट्रुथ सोसलमा जेलेन्स्कीलाई चुनाव बिनाको तानाशाह भन्दै आरोप लगाएका छन् ।
जेलेन्स्कीले पनि यसअघि रुसले युक्रेनको बारेमा धेरै गलत सूचना फैलाएको आरोप लगाएका थिए ।
उनले भनेका थिए, मलाई राष्ट्रपति ट्रम्पप्रति धेरै सम्मान छ, तर म भन्छु कि उनी गलत सूचनाको दुनियाँमा छन् ।
राष्ट्रपतिको रूपमा जेलेन्स्कीको कार्यकाल मे २०२४ मा समाप्त हुने थियो, तर फेब्रुअरी २०२२ मा रूसको आक्रमणदेखि युक्रेनमा मार्शल ल लागू भएको छ र यसका कारण चुनाव हुन सकेको छैन ।
ट्रम्पले पहिले जेलेन्स्कीको लोकप्रियता केवल चार प्रतिशतमा झरेको दाबी गरेका थिए । यद्यपि, बीबीसी रिपोर्टले ५७ प्रतिशत युक्रेनीहरूले अझै पनि राष्ट्रपति जेलेन्स्कीलाई विश्वास गर्ने खुलासा गरेको छ।
युक्रेनमा जारी युद्ध अन्त्य गर्ने विषयमा अमेरिकी विदेशमन्त्री मार्को रुबियो र रुसी विदेशमन्त्री सर्गेई लाभरोभबीच साउदी अरेबियामा शान्ति वार्ता भएपनि युक्रेनलाई सहभागी गराइएको थिएन ।
यसबारे युक्रेनी राष्ट्रपति भोलोडिमिर जेलेन्स्कीले आफूहरू सबै पारदर्शिता चाहन्छौँ तर कसैले पनि आफुहरुको पछाडि केही निर्णय नगरोस् भनेका छन् ।
.jpg)
