पोखरा महानगरपालिकाका मेयर धनराज आचार्य अस्पतालबाट डिस्चार्ज भएका छन् ।
बिहीबार अपराह्न आफू अस्पतालबाट डिस्चार्ज भएको मेयर आचार्यले सामाजिक सञ्जालमार्फत जानकारी गराएका छन् । साथै उनले उपचारमा संलग्न चिकित्सक, स्वास्थ्यकर्मी तथा अस्पताल परिवारप्रति आभार व्यक्त गरेका छन् ।मेयर आचार्यको कीर्तिपुर अस्पतालमा उपचार भइरहेको थियो ।
उनीसँग सोही विस्फोटमा परी घाइते भएका उपप्रधान एवं अर्थमन्त्री विष्णु पौडेल डिस्चार्ज भएको तीन दिनपछि आचार्य डिस्चार्ज भएका हुन् । पोखरा भ्रमण वर्ष, २०२५ समारोह उद्घाटन गर्ने क्रममा बेलुन विस्फोट हुँदा अर्थमन्त्री पौडेल र मेयर आचार्य घाइते भएका थिए ।
विस्फोटका क्रममा उनीहरु नजिक रहेका अन्य केही व्यक्तिहरु पनि सामान्य घाइते भएका थिए । दुईजनालाई भने आगोले बढी नै असर गरेको थियो । चिकित्सकहरुका अनुसार दुवैजनाको ५-६ प्रतिशत भाग जलको थियो ।
