सरकारले गर्‍यो ७८ सहसचिवको सरुवा [सूचीसहित]

सरकारले ७८ सहसचिवको सरुवा गरेको छ । प्रधानमन्त्रीको सरकारीनिवास बालुवाटारमा सोमबार बसेको मन्त्रिपरिषद् बैठकले सहसचिवहरुको सरुवा गरेको हो । मन्त्रिपरिषद्को निर्णयअनुसार संघीय मामिला तथा सामान्य प्रशासन मन्त्रालयले सहसचिवहरुको सरुवाको सूची भने आज (बिहीबार) सार्वजनिक गरेको हो ।

संघीय मामिलाका सहसचिव पदमकुमार श्रेष्ठको अर्थ मन्त्रालयमा सरुवा भएको छ । यस्तै, संघीयकै दिलीपकुमार गौतमको पनि अर्थ मन्त्रालयमा सरुवा भएको छ । संघीयकै योगेन्द्रप्रसाद दुलाल भूमि व्यवस्था, सहकारी तथा गरिबी निवारण मन्त्रालयमा सरुवा भएको छ ।

यस्तै संघीयकै युवराज अधिकारीको मधेस प्रदेशको मुख्यमन्त्री तथा मन्त्रिपरिषद्को कार्यालयमा प्रदेश सचिवको जिम्मेवारी तोकिएको छ ।

संघीयकै भविश्वर पाण्डे गृह मन्त्रालयमा सरुवा हुँदा चन्द्रबहादुर सिवाकोटीको श्रम, रोजगार तथा सामाजिक सुरक्षा मन्त्रायलमा सरुवा भएको छ । यस्तै संघीयकै जगदीश्वर उपाध्यायको भने गृह मन्त्रालयमा सरुवा भएको छ ।

बलराम रिज्याल संघीय मामिला तथा सामान्य प्रशासन मन्त्रालयबाट गृह मन्त्रालयमा सरुवा हुँदा श्रम तथा यातायात मन्त्रालयका सुरेन्द्र पौड्याल पनि गृह मन्त्रालय सरुवा भएका छन् ।

सूचीमा हेरौं कुन सहसचिवको कहाँ सरुवा भएको छ :