गोकर्णेश्वरमा महिलाको हत्या, ५ जना पक्राउ

काठमाडौंको गोकर्णेश्वरमा एक महिलाको हत्या भएको छ । हत्या गरी शवलाई बोरामा हालेर बागमती नदीमा फालिएको अवस्थामा भेटिएको थियो । त्यस घटनामा संलग्न भएको आशंकामा प्रहरीले ५ जनालाई पक्राउ गरेको छ।

पक्राउ परेकामा सर्लाहीका २५ वर्षीय कैलाश खड्का, मकवानपुरका २० वर्षीय सुरेश तामाङ, नुवाकोटका २४ वर्षीय रोशन तामाङ, सिन्धुपाल्चोककी २० वर्षीया पूजा परियार र एक नाबालक समावेश छन्। वृत्त बौद्धको टोलीले उनीहरूलाई पक्राउ गरेको हो।