साताको अन्तिम कारोबार दिन (बिहीबार) नेप्से १२.८४ अंकले घटेको छ । योसँगै नेप्से २,६६९.३१ विन्दुमा रोकिएको छ ।
अघिल्लो दिन (बुधबार) ५ अर्ब १४ करोडको कारोबार भएकामा आज ४ अर्ब ५६ करोड १३ लाख ११ हजार २८२ रुपैयाँको मात्र कारोबार भयो ।
यस दिन कारोबार भएकामध्ये २५ प्रतिशत कम्पनीको सेयर मूल्य बढेको छ । ६२ कम्पनीको मूल्य बढ्दा १७५ को घट्यो भने ७ कम्पनीको सेयर मूल्य भने स्थिर रह्यो । आज जीवन ट्रेडिङ समूहको सेयर मूल्य ०.२६ प्रतिशतले बढ्यो । जीवन बिमा समूह सबैभन्दा धेरै ०.०४ प्रतिशत घट्यो ।
नेप्सेमा आज दोल्ती पावरको मूल्य सबैभन्दा धेरै ६.९० प्रतिशत बढ्यो । त्यस्तै एसियन हाइड्रोपावरको ५.६०, सिन्धु विकास बैंकको ५.४, गार्डियन माइक्रोलाइफ इन्स्योरेन्सको ४.८२ प्रतिशत बढ्यो ।
मिथिला लघुवित्त र भूगोल इनर्जीको मूल्य १० प्रतिशतले घट्यो । कारोबार रकमका आधारमा आज नेपाल पुनर्बिमा, हिमालयन री-इन्स्योरेन्स, सिन्धु विकास बैंक, युनाइटेड मोदी हाइड्रोपावार र घलेम्दी हाइड्रोपावर क्रमशः अगाडि रहे । यसैगरी बढी रकम कारोबार गर्ने कम्पनीको सूचीमा नेपाल पुनर्बिमा कम्पनी पहिलो स्थानमा परेको छ ।
