काठमाडौं, चैत ११ :
संक्रमणकालीन न्यायबारे प्रमुख तीन दलका शीर्ष नेताहरुबीच छलफल भएको छ ।
प्रधानमन्त्री कार्यालय सिंहदरबारमा अपराह्य भएको छलफलमा प्रधानमन्त्री एवं नेकपा एमालेका अध्यक्ष केपी ओली, पूर्वप्रधानमन्त्री एवं नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहालसहित ती दलका अन्य नेताहरुको उपस्थिति रहेको छ ।
थाती रहेको संक्रमणकालीन न्यायमाथिको विवाद टुंग्याउने गरी दलहरुबीच छलफलमा जुटेका हुन् ।
बैठकमा राजावादीहरुको प्रदर्शन र पूर्वराजा ज्ञानेन्द्र शाहको सक्रियता लगायतकाबारेमा पनि छलफल हुने बुझिएको छ ।
छलफलमा गृहमन्त्री रमेश लेखक, प्रधानमन्त्रीका मानव अधिकार तथा संक्रमणकालीन न्याय सल्लाहकार अग्नि खरेल, माओवादीका उपमहासचिव शक्ति बस्नेत र नेता खिमलाल देवकोटा सहभागी छन्।
