काठमाडौँ, चैत १६ :
समाजवादी मोर्चाका शीर्ष नेताहरुले पूर्व राजाका समर्थकको एक समूहले आगजनी गरेको नेकपा (एकीकृत समाजवादी) पार्टी कार्यालयको अनुगमन गरेका छन् ।
अनुगमनमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपाका महासचिव नेत्र विक्रम चन्द ‘विप्लव’, नेसपा अध्यक्ष महिन्द्र राय यादवसहित एकीकृत समाजवादीका अध्यक्ष माधव नेपाल लगायतका नेताहरू थिए । मोर्चाले कार्यालयमा भएको तोडफोडको भर्त्सना गरेको छ ।
शुक्रबार तीनकुनेमा हिंसा भड्किएपछि राजावादी समूहले नेकपा एसको कार्यालयमा तोडफोड गर्नुका साथै आगजनी गरेको थियो ।
