काठमाडौँ, चैत २९ :
नेपाली बजारमा शुक्रबार सुनको मूल्यले नयाँ रेकर्ड बनाएको छ । आज सुन तोलामा ३ हजार ९०० रुपैयाँले बढेको छ ।
योसँगै आज छापावाल सुनको मूल्य एक लाख ८५ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । हिजो छापावाल सुनको मूल्य तोलामा एक लाख ८१ हजार १०० रुपैयाँ कायम थियो ।
यस्तै, आज चाँदीको मूल्य पनि बढेको छ । चाँदीको मूल्य पाँच रुपैयाँ बढेर तोलामा एक हजार ९०५ रुपैयाँ पुगेको छ ।
