काठमाडौं, वैशाख १२ :
राष्ट्रिय सभाको बैठक ७ मिनेट मात्र बसेर स्थगित भएको छ ।
बर्खे अधिवेशनको पहिलो बैठक दिउँसो सवा १ बजे निर्धारित समयमा सुरु भएर ७ मिनेटमै स्थगित भयो ।
बैठकमा राष्ट्रिय सभाका अध्यक्ष नारायणप्रसाद दाहालले अधिवेशन आह्वानसम्बन्धी राष्ट्रपतिबाट प्राप्त पत्रको बेहोरा पढेर सुनाए ।
त्यसपछि सभाध्यक्ष दाहालले पञ्चायत र प्रतिनिधिसभाका पूर्वसदस्य, पूर्वमन्त्री र अहिले प्रतिनिधिसभा सदस्य दीपक बोहोराको निधनमा शोक प्रस्ताव प्रस्तुत गरे ।
बोहराको निधनमा शोक प्रकट गरेपछि बैठक स्थगित भयो । अर्को बैठक आइतबार बस्ने तय भएको छ ।
