चीन र डेनमार्कका लागि प्रस्तावित राजदूतहरुको सुनुवाइ सकियो

आजदेखि संसदीय सुनुवाइ समितिले विभिन्न देशका लागि प्रस्तावित राजदूतको सुनुवाइ सुरु गरेको छ। 

समितिले विभिन्न देशका लागि प्रस्तावित १७ जना राजदूतमध्ये आज चार जनाको सुनुवाइ गर्ने कार्यतालिका बनाएको छ ।

समितिले आज चीनका लागि प्रस्तावित प्राडा कृष्णप्रसाद ओली, डेनमार्कका लागि सुम्निमा तुलाधर, जर्मनीका लागि डा शैल रुपाखेती, गणतन्त्र भारतका लागि डा शङ्करप्रसाद शर्मासँग छलफल गर्न लागेको हो ।

समितिले आज चीनका लागि प्रस्तावित प्राडा ओली र डेनमार्कका लागि प्रस्तावित तुलाधरसँग छलफल सकेको छ। 

दुबै जनाले नेपालको आर्थिक विकासमा चीनियाँ पर्यटक र युरोपेली पर्यटकलाई नेपाल भित्र्याउन पहल गर्ने योजना सुनाएका थिए । 

चीनका लागि  प्रस्तावित ओलीले बर्षमा १० लाग चीनियाँ पर्यटक ल्याउने गरी योजना सुनाउनुभएको थियो ।

आजै भारत र जर्मनीका लागि प्रस्तावित राजदूतहरुसँग पनि छलफल गर्नेछ ।