पोखरा, भदौ १८ :
गण्डकी प्रदेशका भौतिक पूर्वाधार मन्त्री दीपक मनाङेले राजीनामा दिनुभएको छ।
मन्त्रिपरिषद हेरफेर हुँदा मनाङेको मन्त्रालय फेरिएपछि असन्तुष्टी व्यक्त गर्दै उहाँले राजीनामा दिनुभएको हो ।
आज मात्र गण्डकीमा ९ सदस्यीय मन्त्रिपरिषद गठन गरिएको थियो ।
मुख्यमन्त्री सुरेन्द्रराज पाण्डेले मनाङे र फणिन्द्र देवकोटालाई मन्त्री पदबाट नहटाउने बरु मन्त्रालय फुटाएर एमालेलाई सहभागी गराउने अडान राखेसँगै मनाङे पुन: मन्त्री भएका थिए ।
तर उनलाई भौतिक मन्त्रालयको जिम्मेवारीबाट बन मन्त्रालयमा सारिएको थियो ।
मनाङेका स्वकीय सचिव सन्तोष अधिकारीले आज मुख्यमन्त्री तथा मन्त्रीपरिषद्को कार्यालय पुगेर मुख्यमन्त्री सुरेन्द्रराज पाण्डेलाई राजीनामा बुझाएका हुन ।
मनाङेको राजीनामा भने स्वीकृत भइनसकेको मुख्यमन्त्रीको सचिवालयले जानकारी दिएको छ ।
