प्रधानमन्त्रीको सरकारी निवास बालुवाटारमा नेपाली कांग्रेस र नेकपा एमालेका शीर्ष नेताबीच भेटवार्ता भएको छ ।
कांग्रेस सभापति शेरबहादुर देउवा बुधबार साँझ उपसभापति पूर्णबहादुर खड्का, महामन्त्री गगनकुमार थापा, गृहमन्त्री रमेश लेखक, परराष्ट्रमन्त्री आरजु देउवा राणा र ऊर्जामन्त्री दीपक खड्कालाई लिएर बालुवाटार पुगेका हुन् ।
छलफलमा एमालेका तर्फबाट प्रधानमन्त्री केपी ओली र उपप्रधानमन्त्री तथा अर्थमन्त्री विष्णु पौडेल सहभागी थिए ।
छलफलमा सरकारको र सदनको कामकारबाहीबारे कुराकानी भएको बुझिएको छ । त्यस्तै निजामती विधेयकको विषयमा पनि छलफल भएको थियो ।
छलफलमा प्रधानमन्त्री ओलीले इरान र इजरायलको द्वन्द्वका कारण समस्यामा परेका नेपालीको उद्धार र सुरक्षामा ध्यान दिन परराष्ट्रमन्त्री राणाको ध्यानाकर्षण गराएका थिए ।
बालुवाटारमा सत्ता साझेदार प्रमुख दुई दलका शीर्ष नेताहरु । तस्बिर : आशिष पौडेल/ प्रधानमन्त्रीको सचिवालय
