लमजुङ, असार १८ :
जिल्ला प्रशासन कार्यालय मनाङले माथिल्लो मनाङको मुख्य सडकखण्डमा रातको समयमा सवारी साधन सञ्चालनमा रोक लगाएको छ ।
मनाङ र लमजुङ जिल्ला सुरक्षा समितिबीच अन्तर जिल्ला सुरक्षा तथा समन्वय बैठकले यही असार २० गतेदेखि राति सवारी साधन सञ्चालनमा रोक लगाइएको हो ।
वर्षाका कारण हुन सक्ने बाढी तथा पहिरोको जोखिमलाई ध्यानमा राखी रातको समयमा यातायात सञ्चालनमा रोक लगाइएको प्रशासनले जनाएको छ ।
मनाङका प्रमुख जिल्ला अधिकारी मातृका आचार्यका अनुसार रातिदेखि भोलिपल्ट बिहान ६ बजेसम्म सवारी सञ्चालनमा रोक लगाइएको छ।
वर्षातका कारण विपद्को अवस्था सिर्जना हुन सक्ने भएकाले यात्रु तथा सवारीमा क्षति हुन नदिन सुरक्षाका लागि अर्को निर्णय नभएसम्ममा रातिको समयमा सार्वजनिक, निजी तथा सरकारी सवारी साधन सञ्चालनमा रोक लगाइएको प्रशासनले जनाएको छ ।
