झापा, साउन ३१ :
सुनसरीको झुम्का कारागारबाट भागेका कैदी बिर्तामोडबाट पक्राउ परेका छन् । तीन दिनअघि कारागारबाट भागेका २८ वर्षीय रुपक पौडेल खत्रीलाई झापाको बिर्तामोड नगरपालिका-१०, बिराटपोखरस्थित आफन्तको घरबाट शनिबार बिहान पक्राउ गरिएको हो ।
जबरजस्ती करणी कसूरमा १३ बर्ष कैद सजाय पाएका खत्रीले एक वर्ष कैद भुक्तान गरेका छन् ।निजलाई प्रहरीले पक्राउ गरी थप कानुनी कारबाही प्रक्रिया अघि बढाइएको छ । सुरक्षाको लापरबाहीका कारण पछिल्लो समय जेलबाट कैदी भागेका घटना सुनिएका छन् । यद्यपि उनीहरुलाई प्रहरीले पुनः पक्राउ गरेको छ ।
