काठमाण्डौँ , असोज २ :
राजेन्द्र महतोले नयाँ पार्टी खोलेको घोषणा गर्नुभएको छ ।
आज काठमाडौँमा राष्ट्रिय मुक्ति क्रान्तिको विस्तारित बैठकबाट महतोले नयाँ राजनीतिक दल घोषणा गर्नुभएको हो ।
उहाँले पार्टीको नाम राष्ट्रिय मुक्ति क्रान्ति नेपाल रहने जानकारी दिनुभयो ।
राष्ट्रिय मुक्ति क्रान्तिको विस्तारित बैठकले पार्टीको अध्यक्ष महतो स्वयं रहने निर्णय समेत गरेको छ ।
लोकतान्त्रिक समाजवादी पार्टी, नेपालबाट अलग भएपछि उहाँ राष्ट्रिय मुक्ति क्रान्तिको संयोजक रहेर राजनीतिक गतिविधि गर्दै आउनुभएको थियो ।
पार्टीबाट अलग भएको को झण्डै महिनापछि महतोले नयाँ पार्टी घोषणा गर्नुभएको हो ।
महतोले कात्तिकको पहिलो सातामा निर्वाचन आयोगमा पार्टी दर्ता गराउने गरी प्रक्रिया अघि बढाउने पनि जानकारी दिनुभयो ।
.jpg)
