त्रिभुवन विश्वविद्यालयको पठनपाठन कार्तिक ११ गतेदेखि सञ्चालन हुने

त्रिभुवन विश्वविद्यालयले असामान्य परिस्थितिका कारण पठनपाठन छठ पछि मात्रै सुरु गर्ने निर्णय गरेको छ । आज सुचना जारी गर्दै नियमित पठनपाठन कार्तिक ११ गतेदेखि सञ्चालन हुने  विश्वविद्यालयले  जनाएको छ ।

सूचना तथा जनसम्पर्क महाशाखाले आज एक सूचना जारी गर्दै मुलुकभर विद्यमान असामान्य परिस्थितिका कारण आगामी हिउँदे बिदाबाट कटौती गर्ने गरी २०८२ साल भदौ २९,३० र ३१ तथा असोज १,२ र ५ साथै कार्तिक ९ गतेका दिन त्रिभुवन विश्वविद्यालयको सम्पूर्ण पठनपाठन कार्य बन्द गर्ने निर्णय गरिएको जनाएको छ ।  

नियमित पठन पाठन कार्तिक ११ गतेदेखि सञ्चालन हुने पनि जनाएको छ ।

जेनजीको आन्दोलनपछि उत्पन्न परिस्थितिका कारण देश भरको पठनपाठन ठप्प भएको छ ।