नवलपरासी, कात्तिक ८ :
भीमफेदी कारागारबाट फरार भएका नारायण कुमालको गैंडाकोटमा हत्या भएको छ। २८ वर्षीय कुमाललाई कात्तिक ६ गते राति स्थानीय युवाहरूको समूहले धारिलो हतियार प्रहार गरी हत्या गरेका हुन्।
जिल्ला प्रहरी कार्यालय, पूर्वी नवलपरासीका अनुसार, घटनामा संलग्न भएको आशंकामा पाँच जनालाई पक्राउ गरिएको छ। कुमाल जर्बजस्ती करणी मुद्दामा १० वर्ष कैद र ३५ हजार रुपैयाँ जरिवानासहित दोषी ठहरिएका थिए।
कुमाल २०७४ सालको साउन महिनामा पक्राउ परेका थिए र २०८४ सालमा उनी रिहा हुने तयारीमा थिए। तर भदौ महिनामा जेनजी आन्दोलनको क्रममा भीमफेदी कारागारमा तोडफोडपछि उनी फरार भएका थिए। कारागार प्रशासनले उनलाई स्वेच्छाले फर्कन आग्रह गरेको भए पनि कुमाल कारागारसँग सम्पर्कमा आएका थिएनन्।
