जेन-जी आन्दोलनको छानबिन गर्न गठित जाँचबुझ आयोगका अध्यक्षसहित तीन सदस्यविरुद्ध दायर रिटमा सर्वोच्च अदालतले अन्तरिम आदेश दिन अस्वीकार गरेको छ ।
न्यायाधीशद्वय हरिप्रसाद फुयाँल र अब्दुल अजिज मुसलमानको इजलासले सोमबार तीन न्यायाधीशको इजलासमा पेस गर्ने आदेश गरेको छ। अधिवक्ता विपिन ढकालले आयोगका अध्यक्ष गौरीबहादुर कार्की,सदस्यहरू विज्ञानराज शर्मा र विश्वेश्वरप्रसाद भण्डारीविरुद्ध रिट दायर गरेका थिए ।
जेनजी आन्दोलनमा भएको दमन र विध्वंसका घटनाको छानबिनका लागि गठित उक्त
आयोगका पदाधिकारीलाई काम कारबाही गर्न रोक लगाउनुपर्ने मागसहित अधिवक्ता ढकाले कात्तिक ११मा सर्वोच्चमा रिट दायर गरेका थिए।
जेन–जी आन्दोलनपछि भएको जनधनको क्षतिबारे जाँचबुझ गर्न सरकारले विशेष अदालतका पूर्वअध्यक्ष गौरीबहादुर कार्कीको नेतृत्वमा पूर्वएआईजी विज्ञानराज शर्मा र संयुक्त राष्ट्रसंघीय नियोगहरूमा काम गरेका अधिवक्ता विशेश्वरप्रसाद भण्डारी सदस्य रहेको आयोग गठन गरेको छ । आयोगले आफ्नो कामकारबाहीलाई अगाडि बढाइरहेको छ ।
