धादिङ बेनिघाट रोराङका किसानहरुले यो बर्ष मात्र हरियो तरकारी बेचेर पच्चिस करोड रुपैँया गाउँमा भित्र्याएका छन ।
यो आर्थिक बर्षमा करिब ५७ लाख मेट्रिक टन हरियो तरकारी उत्पादन गरी करिव पच्चिस करोड पचास लाख आम्दानी भएको हो । तर यो रकम अघिल्लो आर्थिक बर्षको भन्दा करिब ५० लाख कम छ
यद्यपी किसानहरुले यति धेरै रकम तरकारीबाट कमाएको भने धादिङमा नै यो गाउँ पालिका पहिलो हो ।
अझ उत्पादन भएको तरकारीले सिजनमा मुल्य नपाउनु र खेर फल्नु परेकोले किसानहरुको गुनासो छ ।
यहाँका किसानहरुले व्यवसायिक खेती गरेर तरकारी उत्पादन गर्ने गर्छन ।
यसले स्थानीयलाई रोजगारीमा समेत टेवा पुगेको छ ।
गत आर्थिक वर्षमा करिव ८७ लाख मेट्रिक टन हरियो तरकारी धादिङ जिल्लामा मात्र उत्पादन भई विक्र भएको कृषि ज्ञान केन्द्र धादिङले जनाएको छ।
धादिङको हरियो तरकारी राजधानी काठमाण्डौँ लगाएत चितवन र पोखरामा बढी बिक्री हुने गर्छ ।
