काठमाडौं, फागुन १९ :
गृहमन्त्री ओमप्रकाश अर्यालले रामेछाप सवारी दुर्घटनाका घाइतेलाई भेटेका छन् । छाउनीस्थित सैनिक अस्पतालमा पुगेर उनले घाइतेको स्वास्थ्य अवस्थाबारे जानकारी लिएका हुन्।
गृहमन्त्रीले घाइतेको शीघ्र स्वास्थ्यलाभको कामना गर्दै उपचारमा कुनै कमी नआउने आश्वासन दिए। भीमबहादुर मानन्धर, केदारकुमार रोका, दुर्गा कार्की, कृष्णप्रसाद घिमिरे, सविना खड्का र समरबहादुर मानन्धर मेडिकल वार्डमा उपचाररत छन्।
एक जनाको आइसीयूमा र बाँकीको मेडिकल वार्डमा उपचार भइरहेको छ। फागुन १८ गते रामेछाप नगरपालिका–२ स्थित सिरुबारीमा भएको सवारी दुर्घटना हुँदा दुई जनाको मृत्यु भएको थियो भने ७ जना घाइते भएका थिए।
